Фарғоналик фуқаронинг уйи ёниб кетди
2019 йил 9 январь куни Фарғона вилоятининг Сўх туманида яшовчи Ў.А.нинг уйида ёнғин содир бўлган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг хабар беришича, кўрилган чоралар натижасида ёнғин ўчирилган. Оқибатда уйининг 180 кв.м. майдонида том ва ички қисмлари ёниб зарар кўрган ҳамда ёнғин ўчириш вақтида уй эгасининг ўғли Қ.А.ни куйган ҳолдаги жасади топилган. Ёнғин келиб чиқиш сабаби аниқланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
