Фарғонада фуқаронинг 350 АҚШ долларини айрибошлаб алдаган шахсга жиноят иши қўзғатилди

Фарғона шаҳри. 2021 йилнинг 10 июнь куни Р.А шаҳар марказида жойлашган кафе олдида таниши Қ.А.нинг ишончига кириб, 350 АҚШ долларини 3.692.500 сўмга айрибошлашга келишиб, берган ваъдасини бажармасдан алдов йўли билан 350 АҚШ доллари эвазига 3.142.500 сўмни бериб, қолган 550.000 сўм пулларни ўз эҳтиёжларига сарфлаб юборган.

Мазкур ҳолат юзасидан Фарғона шаҳар ИИО ФМБ ҳузуридаги тергов бўлми томонидан Жиноят кодексининг 168-моддаси 1-қисми (фирибгарлик) билан жиноят иши қўзғатилиб, тергов ҳаракатлари олиб борилмоқда.

Юқорида кўрсатилган жиноятни содир этган шахс уч йилгача озодликдан маҳрум қилиш билан жазоланиши мумкин.