Фарғонада 710 литр нефть ортилган "Кобалт" тўхтатилди

Фарғонада 710 литр нефть ортилган "Кобалт" тўхтатилди

Одатда божхоначилар бензин, дизель каби тайёр ёқилғи маҳсулотларининг ноқонуний айланмасига доир кўплаб қонунбузарликларни фош қилишган. Аммо Фарғонада бу гал аниқланган ҳолат эса очиғи амалиётда камдан-кам кузатилган. Яъни божхоначилар бензин ҳам эмас, дизел ҳам эмас, қайта ишланмаган, хом аёш шаклидаги нефтнинг ўзини тўхтатиб қолишди. Бу ҳақда ДБҚ ахборот хизмати UZ24'га хабар қилди.

Фарғона  вилояти божхона бошқармасининг Контрабанда ва божхона қонунчилиги бузилишига қарши курашиш бўлими ходимлари томонидан ўтказилган тезкор тадбир давомида фуқаро Н.Х. бошқарувида бўлган “Кобалт” русумли автомашина Фарғона шаҳар худудида тўхтатилиб, кўздан кечирилганда, автомашина салонида полиэтилен қопларга жойланган 710 литр нефть маҳсулоти ортилганлиги аниқланган.

Одатда нефть мураккаб технологиялар асосида заводларда қайта ишланади. Аммо нефтнинг ноқонуний айланмаси фош этилишига қараганда, “уддабурон”лар энди уни қўлбола цеҳларда қайта ишлашга киришган кўринишади. Бундан-да муҳими, улар бу хом ашёни қаердан олишган?

Бу саволларга ушбу ҳолат юзасидан давом эттирилаётган текширувлар давомида жавоб топилади.

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!