Фарғона шаҳрида ер майдони савдоси билан боғлиқ фирибгарлик ҳолати фош этилди

Бош прокуратура ҳузуридаги Департаментнинг Фарғона шаҳар бўлими томонидан ИИБ ходимлари билан ҳамкорликда ўтказилган тезкор тадбирда, фуқаро Х.Н. бошқа бир фуқаро Б.С.га гўёки юқори лавозимда ишловчи танишлари ёрдамида “Z.F.” МЧЖга гулчиликка ихтисослашган иссиқхона қуриш учун ажратиб берилган, 4,5 гектар ер майдонини 35 000 АҚШ долларига сотишга келишиб, олдиндан 15 000 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.