Европа Лигасида ҳафтанинг энг яхши ўйинчиси маълум бўлди

УЕФА ташкилоти Европа Лигасида ҳафтанинг энг яхши ўйинчиси номини эълон қилди.

Мазкур номга Наполи ҳужумчиси Хосе Кальехон лойиқ топилди.

Европа Лигаси 1/16 финалининг дастлабки ўйинлари тугагандан сўнг энг яхши ўйинчи номига 4 нафар футболчи даъвогарлик қилганди.

Рўйхатда Кальехондан ташқари Челси ярим ҳимоячиси Росс Баркли, Валенсия ҳужумчиси Рубен Собрино, Виктория Пльзень ҳимоячиси Лудек Перница бор эди.

Эслатиб ўтамиз, Хосе Кальехон Европа Лигасининг 1/16 финал учрашувида Цюрих га қарши кечган ўйинда битта гол уришга муваффақ бўлганди.

Manba: daryo.uz