Европа Комиссияси Венгрияга Европа Иттифоқи бюджетидан маблағ ажратилишини музлатишни тавсия қилди

Европа Комиссияси Венгрияга Европа Иттифоқи бюджетидан 7,5 миллиард еврога яқин маблағ ажратилишини музлатишни тавсия қилди.

Бу ҳақда Reuters хабар бермоқда.

"Булар Европа Иттифоқи маблағларидан фойдаланиш ва бошқаришни хавф остига қўядиган қонун устуворлигини бузиш", деди Европа Иттифоқининг бюджет бўйича комиссари Йоханнес Хан.

Аввалроқ Венгрия расмийлари Россияга қарши санкцияларни қўллаб-қувватламай, Киевга қурол етказиб беришни тўхтатишга чақириб, бир неча бор номақбул фикр билдирган эди.