Еврокомиссия раҳбари матбуот анжуманга турли пойабзалларда келди
Еврокомиссия президенти Жан-Клод Юнкер Жанубий Африка Республикаси етакчиси Сирил Рамафоса ва Еврокенгаш раиси Дональд Туск билан учрашув якунларига бағишланган матбуот анжуманга турли рангдаги пойабзалларда келди. Ушбу ҳолат видеоси твиттерда тарқалган.
Видеода залдаги аёллардан бири Юнкер турли пойабзал кийиб олганини пайқаб, бу ҳақда унга айтган. Аёл кекса сиёсатчини пойабзалини алмаштириб олиш учун чиқиш жойигача кузатиб қўйган. Кейинроқ Юнкер қора рангдаги бир хил пойабзалда кўриниш берган.
Jean-Claude #Junker quite sozzled ?? being escorted from the stage by an aide and wearing odd shoes one black shoe and one brown shoe. #EU #Brexit pic.twitter.com/iJgPGJPm3w
— Pól Ó Géibheannaigh (@pol_og) 16 ноября 2018 г.
Амалдор аввал ҳам расмий тадбирларда шунга ўхшаш баҳсли ҳолатларга тушган. Шу муносабат билан, кўп фойдаланувчилар Юнкер учун ўзини бундай тутиш оддий ҳол эканлигини айтишган ва унинг спиртли ичимликларни хуш кўришини эслаб ўтишган.
Manba: kun.uz
