Евро-2020 саралаши. Россия Нур-Султонда Қозоғистонга 4та гол урди

Евро-2020 саралаши. Россия Нур-Султонда Қозоғистонга 4та гол урди

Қозоғистон пойтахти Нур-Султонда 2020 йилги Европа чемпионати саралаш босқичида I гуруҳи вакиллари Қозоғистон ва Россия 2-тур ўйинини ўтказишди.

Ўйин меҳмонларнинг тўлиқ устунлигида кечди ва йирик ҳисобда якунланди - 0:4.

Ўйиннинг биринчи бўлимида Денис Черишев иккита гол урди, иккинчи бўлимда Артём Дзюба ҳам ўз номини таблога ёздириб қўйди, унга Черишев ҳаммуаллифлик қилди. Яна бир голни 62-дақиқада қозоғистонликлар ҳимоячиси Абзал Бейсебеков ўз дарвозасига йўналтириб қўйди.

Тур доирасида гуруҳнинг яна икки вакили ўзаро ўйнайди - Сан-Марино Шотландияни қабул қилади, Бельгия Кипр меҳмони бўлади.

Россия биринчи турда Бельгияга 1:3 ҳисобида ютқазганди, Қозоғистон эса ўз майдонида Шотландияга жавобсиз 3та гол урганди. Россияликлар ҳозирча 3 очко билан гуруҳ пешқадамига айланишган.

Евро-2020 саралаши
I гуруҳи
2-тур
Қозоғистон Россия 0:4

Голлар: 0:1 19 Черишев, 0:2 45 Черишев, 0:3 52 Дзюба, 0:4 62, автогол Бейсебеков.
Қозоғистон Непогодов, Бейсебеков, Логвиненко (Вороговский, 29), Малий, Ахметов, Зайнутдинов, Меркель, Муртазаев (Турисбек, 59), Куат, Суюмбаев, Перцух (Жуков, 85).
Россия Гильерме, Кудряшов, Фернандес, Семенов, Жикия, Черишев, Газинский, Ионов (Игнатьев, 61), Ахметов (Ал. Миранчук, 72), Оздоев, Дзюба (Чалов, 83).
Огоҳлантиришлар: Суюмбаев (50), Куат (59), Ахметов (64), Черышев (70), Зайнутдинов (90+3).

Manba: kun. uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!