Эрондаги кимёвий заводда ёнғин келиб чиқди
Эроннинг Кум шаҳридаги кимёвий заводида кучли ёнғин содир бўлди, деб хабар беради “РБК”.
Ёнғин Эроннинг фталат ангидрид ишлаб чиқарувчи энг йирик хусусий корхонаси “Моваллан” фабрикасида содир бўлган.
Ёнғин хизмати вакили Ҳамид Каримийга кўра, ёнғин маҳаллий вақт билан 6:00 (Тошкент вақти билан 9:30)да бошланган, оловни ўчиришга 100 дан ортиқ ўт ўчирувчи жалб қилинган.
Каримийнинг айтишича, ўт ўчирувчилар аланганинг спирт ва бошқа осон ўт олувчи суюқликлар сақланадиган омборхонага тарқалиб кетишининг олдини олишга муваффақ бўлган. Шунингдек, операция чоғида ёнғин хизмати машинаси ёниб кетган, оқибатда икки нафар ўт ўчирувчи жабрланган, улар зудлик билан касалхонага йетказилган.
Ёнғин атрофида фавқулодда ҳолат еълон қилиниб, барча ташкилотлар, шу жумладан, Ислом инқилоби посбонлари корпуси, ёнғинга қарши кураш учун сафарбар қилинган.
