Эрон ТИВ янги зарбалардан сўнг АҚШни дипломатияга хоинлик қилишда айблади

Эрон Ташқи ишлар вазирлиги Ислом Республикаси ҳудудига йўлланган янги зарбалардан сўнг АҚШни дипломатияга хиёнат қилишда айблади.

Бу ҳақда ташқи сиёсат маҳкамасининг баёнотида сўз боради.

«АҚШнинг ҳукмрон доиралари... дипломатияга очиқдан-очиқ хиёнат қилди», — дейилади Эрон ТИВ баёнотида.

Вазирликнинг таъкидлашича, Вашингтон ҳарбий ҳаракатларни тўхтатиш тўғрисидаги меморандум имзоланганидан 20 кун ўтиб, унинг қоидаларини бузган, ҳужумларни кучайтирган, денгиз блокадасини жорий этган ва бир қатор ҳарбий бўлмаган (фуқаролик) объектларига зарба берган.

Теҳрон, шунингдек, АҚШнинг ушбу хатти-ҳаракатлари ҳарбий жиноят ҳисобланишини ва низонинг янги эскалация (кескинлашув) босқичига олиб келганини маълум қилди.