Эрон ҳарбий объекти икки марта ҳужумга учради

Эроннинг стратегик порт шаҳри Конарак икки босқичли ҳужумга учради.

Бу ҳақда шаҳар ҳокими Муҳаммад Юнус Ҳаққоний маълум қилди.

"Бу ҳудудга кечки соатларда душман (АҚШ) қирувчи самолётлари икки босқичда ҳужум қилди", деди у.

Ҳаққоний хавфсизлик кучлари воқеа жойида эканлигини қўшимча қилди.

"Ҳозирда ушбу ҳужум бўйича тергов олиб борилмоқда", деб таъкидлади у.

Бушеҳрда портлашлар илгари эшитилган, Бандар Аббос, Қешм, Сирик ва Жаск портларига ҳужумлар ҳақидаги хабарлар эса рад этилган.