Эркак киши платина (оқ олтин)дан ясалган соат тақиши мумкинми?

Бисмиллаҳир Роҳманир Роҳим.
Платина тилла аралаштирилмаган, соф ҳолатида бўлса, бундай соатларни эркаклар тақиши жоиз. Баъзилар уни "оқ олтин" деб аташлари зарар қилмайди. Чунки соф платина олтин ҳисобланмайди.

Шуни ҳам таъкидлаб ўтиш керакки, олтин қотишмаси таркибига никел ёки палладий қўшилса ҳам оқиш рангли олтин юзага келади. Буни эса эркаклар соат ёки узук сифатида ишлатишлари жоизмас. Шунинг учун соф платина ёки оқ рангли олтинни ажратиб олиш учун соҳа мутахассисларига мурожаат қилинади. Валлоҳу аълам.