"Эримнинг синфдоши унга севги изҳор қилмоқда. Нима қилай?"
Савол:
Ассалому алайкум. Турмуш қурганимга 2 йил бўлди, жажжи ўғлимиз бор. Аллоҳга шукур, ҳаммасидан кўнглим тўқ. Аммо эримнинг қиз синфдоши бор, оилали, эри қамоқда, 2 қизи бор. Хоҳ кечаси, хоҳ саҳарда қўнғироқ қилади, СМС юборади. Ҳар қандай муаммолари-ю ҳаётнинг икир-чикирларини эримга айтгиси келади. Эрим эса у шунчаки синфдош, дейди. Севги изҳорли СМСлар юборади. Вақти-вақти билан эрим ишхонасига олиб бориб, олиб келиб қўяди. Оиламдан хавотирдаман. Менга дин тарафдан қандай маслаҳат берасиз, эримгачи?
Жавоб:
Эрингиз хатарли йўлга қадам қўйган. Эрли аёл билан бундай суҳбатлар, у билан ёлғиз учрашиш шаръан ҳаром қилинган амалдир. Чунки бунда ҳадисларда таъкидланганидек уларнинг учинчиси шайтон бўлади .
Сизга насиҳатимиз, эрингизга босиқлик билан номаҳрам, яна эрли аёл билан гаплашиш жоизмаслигини тушунтиринг ва ҳаққига дуода бўлинг!
Валлоҳу аълам.
Мубашшир Аҳмад
Manba: azon.uz