Ерга диаметри 1,8 км бўлган катта астероид яқинлашмоқда

Дунёдаги энг баланд бино Бурж Халифадан икки баробар катта астероид Ер томонга йўл олди. Бу ҳақда АҚШ космик ва аэронавтика бошқармаси (NASA) хабар берди.

Қайд этилишича, диаметри 1,8 км бўлган 7335 (1989 JA) номли космик тош NASA томонидан “потенциал хавфли” деб таснифланган.

NASAнинг Ерга яқин объектларни ўрганиш маркази маълумотларига кўра, астероид жорий йилнинг 27 май куни Ерга яқинлашади. Бу вақтда астероид Ердан 0,026 астрономик бирлик узоқликда бўлади ва 50 000 км/соат атрофидаги тезликда ҳаракатланади.

Маълумот ўрнида, баландлиги 830 метр бўлган Бурж Халифа 2004 йилда қурилганидан бери дунёдаги энг баланд бино ҳисобланади.