Эрдўғон: Туркия ҳали ҳам Финляндия ва Швециянинг НАТОга қўшилишига тўсқинлик қилиши мумкин
Анқара, Стокголм ва Хелсинки ўртасида икки Скандинавия давлатининг НАТОга аъзо бўлиш йўлидаги асосий тўсиқни бартараф этган уч томонлама битим тузилганидан икки кун ўтиб, Туркия президенти келишув томонлари келишувга эришган тақдирда ҳам давлатлар ваъдаларини бажармасалар бу жараён тўсиб қўйилиши мумкинлигини маълум қилди.
Мадриддаги НАТО етакчиларининг икки кунлик саммити ёпилиши олдидан Ражаб Тоййиб Эрдўғон имзоланган 10 саҳифалик келишув Туркиянинг ғалабаси эканини айтди.
У Туркиянинг Швеция ва Финляндияга тақиқланган курд гуруҳлари билан алоқадор террорчиликда гумон қилинган шахсларни ёки Анқара 2016 йилги давлат тўнтаришига уриниш ташкилотчиси бўлганликда айблаётган турк воизи Фатҳуллоҳ Гулен тарафдорларини экстрадиция қилиш талабини қондириш муҳимлигини алоҳида таъкидлади.
