Эрдўғаннинг айтишича, Путин уни Ўзбекистондаги ШҲТ йиғилишига таклиф қилган
Туркия президенти Ражаб Тоййиб Эрдўған Россия етакчиси Владимир Путин уни 15-16 сентябрь кунлари Самарқандда бўлиб ўтадиган ШҲТ саммитида иштирок этишга таклиф қилганини маълум қилди.
“Сентябрь ойида Шанхай бешлиги Ўзбекистонда учрашади. Учрашувимиз чоғида (Сочида) жаноб Путин мени Самарқанддаги саммитга таклиф қилди", - деди Эрдўған.
Эслатиб ўтамиз, аввалроқ Шанхай ҳамкорлик ташкилотига (ШҲТ) аъзо саккиз давлатнинг барчаси ўз етакчиларининг сентябрь ойида Самарқандда бўлиб ўтадиган саммитида иштирок этишини тасдиқлагани хабар қилинганди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
