Эрдўған Зеленскийга Путин билан учрашув ташкил қилишни таклиф қилади

Туркия президенти Ражаб Тоййиб Эрдўған Львовга ташрифи доирасида Украина етакчиси Владимир Зеленскийга россиялик ҳамкасби Владимир Путин билан учрашув ташкил этишда ёрдам таклиф қилади, деб хабар бермоқда A Haber телеканали дипломатик манбаларга таяниб.

“Эрдўған Зеленскийга Путин билан учрашувини ташкил қилишни таклиф қилиши кутилмоқда”, — дейилади РИА Новости хабарида.

Аввалроқ Эрдўған Украина президенти Владимир Зеленский ва БМТ бош котиби Антониу Гутерриш билан учрашиш учун Львовга учгани маълум қилинганди.

17 август куни БМТ Бош котиби Гутерриш Украинага келди.