Эрдўған: «Қошиқчининг қотилини мен биламан. Уни эълон қилинглар энди...»

Эрдўған: «Қошиқчининг қотилини мен биламан. Уни эълон қилинглар энди...»

Туркия президенти Ражаб Тоййиб Эрдўған Истанбулнинг Долмабаҳче саройида Ислом ҳамкорлик ташкилотига аъзо давлатлар ва кузатувчиларнинг Конституциявий ва Олий суднинг биринчи конференциясида: «Қошиқчини ўлдирган шахс менга маълум. Уни кимлигини эълон қилинглар», деди.

Эрдўған нималар ҳақида гапирган:

Қошиқчи ўлими билан боғлиқ жиноятга алоқадор аудио ёзувлар жиноятни Саудия валиаҳдига алоқадор одамлар томонидан содир этилганини ошкор қилган.

Саудия бош прокурори Туркияга келганда мамлакат бош прокурорига ҳеч қандай маълумот тақдим қилмаган. Эрдўған қироллик Бош прокурорини танқид қилиб: «Саудия бош прокурори Истанбулни 5 чемодан маст қилувчи ичимликлар билан тарк қилди. Бизга муҳим бўлган ишлар уни қизиқтирмайди», деган.

Эрдўған нутқи давомида Ислом дунёсидаги баъзи бир тоифа ва давлатлар Қошиқчи ўлими масаласида ҳақиқатни гапирмаганига ишора қилган.

Эрдўған: “Кеча биз Америка сенатида Қошиқчи масаласидаги муҳокамани кузатдик. Ишлар тўхтаб қолгани йўқ, балки давом этмоқда ва ривожланмоқда. Чунки биз америкаликлар ва уларнинг разведкасини барча маълумотлар билан таъминладик.

Эрдўған, Туркия Қошиқчи ўлими билан боғлиқ маълумотларни ким сўраса, бераётганига ишора қилди ва бундан ягона мақсад адолатни қарор топтириш эканини айтди.
Manba: zamin.uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!