Эрдўған қочоқлар борасида: "Биз Ғарбга ўхшаб иш тутмаймиз"

Эрдўған қочоқлар борасида: "Биз Ғарбга ўхшаб иш тутмаймиз"

Туркия президенти Ражаб Тоййиб Эрдўған бугун пойтахт Анқарада “Шаҳар ва хавфсизлик” мавзусидаги симпозиумда иштирок этди. Анжуманда нутқ сўзлаган Эрдўған Суриянинг Идлиб вилоятидаги вазиятга тўхталиб ўтди. 

“200-250 минг қочқин айни пайтда чегараларимизга қараб ҳаракатланяпти. Баъзи чоралар билан олдини олишга уриняпмиз, лекин бу иш осон эмас, чунки рўпарангиздагилар – инсон. Биз инсонларга қарши Ғарб сингари тўсиқлар, симтиканлар ўрнатмаймиз. Худди шу нарса бизнинг бошимизга ҳам келиши мумкин”, – деди Туркия президенти. 

Ғарбнинг қочқинларга нисбатан позициясини танқид қилган Эрдўған ҳозирда Туркияда 4 миллионга яқин суриялик қочқин борлигини айтди. 

Эслатиб ўтамиз, охирги кунларда Идлибда тўқнашувлар ортгани туфайли тинч аҳоли қочишга мажбур бўлмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!