Энтони Блинкен Хитойга ташрифини кечиктиришга қарор қилди
АҚШ Давлат котиби Энтони Блинкен хитойлик «разведкачи шар» билан боғлиқ вазият туфайли Хитойга ташрифини кечиктиришга қарор қилди, деб хабар бермоқда ABC телеканали
Ташрифнинг аниқ саналари эълон қилинмаган, бироқ ОАВ манбаларига кўра, у 5-6 февраль кунлари бўлиб ўтиши керак эди.
Аввалроқ, Пентагон АҚШ шимолида Хитойнинг разведка ҳаво шарини аниқлагани ҳақида хабр берган эдик.
Унга кўра Пентагон ҳаво шарини уриб туширмасликка қарор қилган, чунки бу туфайли тинч аҳоли жароҳат олиши мумкин эди ва шарнинг ўзи ҳеч қандай хавф туғдирмади.
Хитой Ташқи ишлар вазирлиги вакили эса "Хитой жосуслик шари" мавзусини ривожлантирмасликка чақирди. Вакилнинг тушунтиришича, бу фуқаролик шари бўлиб, шамол туфайли йўналишдан жиддий равишда чиқиб кетган. Шунингдек, Хитой Ташқи ишлар вазирлиги вазиятдан афсусда эканлигини билдирди.
