Энг кўп эгизаклар қайси вилоятларда туғиляпти?

Энг кўп эгизаклар қайси вилоятларда туғиляпти?

2022 йилнинг январ–апрел ойларида Самарқанд вилоятида 354 нафар эгизак дунёга келган. Бу даврда Тошкент шаҳри, Фарғона ва Қашқадарё вилоятларида ҳам 300дан кўп эгизак туғилган.

Ўзбекистонда 2022 йил дастлабки 4 ойида эгизак болалар туғилиши бўйича рақамлар ҳудудлар кесимида маълум қилинди. Бу ҳақда ФҲДЁ органларининг қайдларига асосланиб, Адлия вазирлигининг “Давлат хизматлари” Telegram-канали хабар бермоқда.

Маълум бўлишича, бу даврда:

  • 3 нафар аёл – 4 нафардан
  • 43 нафар аёл – 3 нафардан
  • 3084 нафар аёл – 2 нафардан фарзанд кўрган.

4 ой давомида энг кўп эгизаклар Самарқанд вилоятида туғилган – 354 нафар. Фарғона вилоятида 347 нафар, Тошкент шаҳрида 328 нафар, Қашқадарё вилоятида 303 нафар эгизак дунёга келган.

Аҳолиси нисбатан кам Сирдарё вилоятида 84 нафар, Навоий вилоятида 104 нафар эгизак таваллуд топган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!