Эмомали Раҳмон Роғун ГЭСининг биринчи агрегати ишга туширилишига бағишланган маросимда рақсга тушди (видео)

17 ноябрь куни Душанбе шаҳрининг «Наврўзгоҳ» мажмуасида Роғун ГЭСининг биринчи агрегати ишга туширилишига бағишланган тантанали маросим бўлиб ўтди. Бу ҳақда «daryo» хабар бермоқда.

Тантанада Тожикистон президенти Эмомали Раҳмон иштирок этди. У ўғли, Душанбе мери Рустам Эмомали билан фахрий меҳмонлар минбаридан туриб маросимда иштирок этаётган санъаткорларни қутлади.

«Навои Бадахшон» ансамбли «Кошонаи нур» қўшиғини ижро этганда эса Тожикистон раҳбари ҳам рақсга тушди. «Наврўзгоҳ»да тўпланганларнинг барчаси қарсак чалиб, уни олқишлаб турди.