Эл класико Леосиз ўтади - Месси уч ҳафтага сафдан чиқди

«Барселона»нинг аргентиналик ҳужумчиси Лионель Месси Испания чемпионатининг 10-турида бўлиб ўтадиган «Реал»га қарши ўйинни қўли жароҳатлангани боис ўтказиб юборади.

Клуб матбуот хизматининг хабарига кўра, у қўли сингани сабабли уч ҳафтага сафдан чиққан ва олтита ўйинни, жумладан чемпионлар лигаси гуруҳ босқичидан ўрин олган «Интер» билан бўлиб ўтадиган ўйинни ҳамда «класико»ни ўтказиб юборади. 

Эслатиб ўтамиз, ҳужумчи Испания чемпионатининг тўққизинчи турида «Севилья»га қарши ўйинда (4:2) жароҳат олган ва биринчи таймнинг ўрталарида майдонни тарк этишга мажбур бўлганди.

«Барселона» — «Реал» учрашуви 28 октябрда «Камп Ноу» стадионида бўлиб ўтади.

Ушбу мавсумда Месси «Барселона» сафида жами 12та учрашувда майдонга тушиб, 12та гол киритди ва олтита голли узатмани амалга оширди.

Manba: kun.uz