Екатеринбурглик футбол фанати фирибгарликка дуч келди
Футбол ишқибози Евгений Стругов Миср ва Уругвай ўртасида ўтган матчни томоша қилиш учун чипта сотиб олган. Аммо чиптада кўрсатилган жой ўйингоҳда мавжуд бўлмаган.
— Чиптани Пассаж марказида сотиб олдим, — дкди Евгений. — Мутасаддиларга йўқ жойга чипта сотишганини айтганимда, мени айблай бошлашди. Ваҳоланки, полициячилар чиптани ҳам, шахсимни тасдиқловчи ҳужжатни ҳам икки марталаб назоратдан ўтказишган…
Эслатиб ўтамиз, Уругвай ҳамда Миср термалари ўртасидаги матчга керагидан сезиларли даражада кам томошабин ташриф буюрган. Айни пайтда бу иш билан ФИФА мутасаддилари шуғулланишмоқда. Айтишларича, Екатеринбургдаги «Арена» ўйингоҳи аслида 35 минг томошабинга мўлжалланган. Бу матчга эса 27 минг киши чипта сотиб олган.
Manba: hordiq.uz