ДХХ Бухорода жиноий гуруҳни қўлга олди
15 август куни ушбу “Газлинефтгазишлабчиқариш” МЧЖга қарашли «Қулбешкак» газни комплекс тайёрлаш қурилмаси жойлашган чўл массивидан ўтган диаметри 325 мм бўлган газ қувуридан 8 833 тонна газоконденцат маҳсулоти ўғирланган.
ДХХ вилоят бошқармаси ва вилоят ИИБ ходимлари ўтказган тезкор тадбирда аниқланишича, Қоракўл туманида яшовчи фуқаролар (4 нафар) бу қувурни яширин тарзда тешиб, ҳосил қилинган тешикка қўлбола хамут ўрнатган.
100 метр узунликдаги резина шланг ёрдамида қувурдан 100 метр узоқликда газоконденцат маҳсулотини жамлаш ва тиндириш учун ўзлари қазиган махсус ҳовузга қувурдан ўғирланган 2 600 литр газоконденцат маҳсулотини тиндириш (суратда) мақсадида жамлаб турган вақтларида ушланган.
Ҳолат юзасидан ЖКнинг 169-моддаси 3-қисми “г” бандига асосан қўзғатилган жиноят иши бўйича тергов ҳаракатлари олиб борилмоқда.
