Дунёнинг энг тезкор автомобили маълум бўлди

SSC Tuatara гиперавтомобили АҚШнинг Невада штатидаги 160 давлат автомагистралида тезлик рекордини ўрнатди ва дунёдаги энг тезкор автомобилга айланди.

Бу ҳақда Business Insider нашри хабар бермоқда.

Профессионал пойгачи Оливер Уэбб томонидан бошқарилган ўртача тезлиги 316,11 миль (508,7 км/соат), энг тезкор паллада эса 331,15 мил (532,9 км/соат)га етган автомобилнинг кўрсаткичи 15 та сунъий йўлдош ёрдамида қайд этилган.

Таъкидланишича, автомобиль 2019 йилда Германиядаги Volkswagen Ehra-Lessien улкан синов йўлида рекорд ўрнатган Bugatti Chiron Super Sport’ни ортда қолдирган.

Ars Technica маълумотларига кўра, ўшанда Chiron Super Sport'нинг максимал тезлиги 304,77 мил (490,4 км/соат)га етган.