Дунёнинг «энг ақлли» мамлакатлари рўйхати эълон қилинди (фото)

Дунёнинг «энг ақлли» мамлакатлари рўйхати эълон қилинди (фото)

Vouchercloud портали тадқиқотчилари дунёдаги энг ақлли 25 давлат рўйхатини эълон қилди. Рўйхатни тузишда Нобель мукофоти лауреатлари сони, аҳолининг ўртача IQ даражаси ва мактаблардаги ўзлаштириш ҳисобга олинди.

Рўйхатда биринчи ўринни Япония эгаллади. Кунчиқар юрт учала кўрсаткич бўйича ҳам энг юқори баҳога сазовор бўлди. Кейинги ўринларга Швейцария, Хитой, АҚШ ва Нидерландия жойлашди. Хитой аҳоли заковат даражаси юқори бўлгани учун (иккинчи ўрин) учинчи ўринни олган бўлса, АҚШга тўртинчи ўринда жойлашишга Нобель мукофоти лауреатлари сони ёрдам берди.

Vouchercloud Жануби-Шарқий Осиё мамлакатларининг кўрсаткичлари юқорилигига алоҳида эътибор қаратди. Масалан, Жанубий Корея, Тайвань ва Сингапур билимли ёшлар сони бўйича етакчи ўринларда, аммо фақатгина Нобель мукофоти лауреатлари сони камлиги сабабли рейтингда юқорида жойлаша олмади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!