Дунёдаги энг кекса офис менежери Гиннеснинг рекордлар китобига киритилди

90 ёшли япон аёли 65 йил давомида бир жойда ишлаган. У компьютерда ишни бажариб, "Facebook" учун смартфонидан фойдаланади. Аёл энди Гиннеснинг рекордлар китоби веб-сайтига кўра дунёдаги энг кекса офис менежерига айланганлиги тўғрисида гувоҳномага эга.

Ясуко Тамаки 1930 йил 15 майда туғилган. У "Sunco Industries" савдо компаниясида 1956 йилдан бери ишлайди. Кекса ходим компьютер дастурлари билан яхши таниш. Унинг вазифалари компания ишчилари учун иш ҳақи ва мукофотларни ҳисоблаш.

Рекорд эгаси одатдагидек ишлайди: ҳафтанинг беш кунида кунига етти ярим соат. Махсус гувоҳномани тақдим этиш пайтида у нафақага чиқмаслигини тан олди.