Дунёдаги энг катта радиотелескоп ишга туширилди

Дунёдаги энг катта радиотелескоп ишга туширилди

Хитой жанубида дунёдаги энг катта ва энг сезгир сферасимон радиотелескоп FAST расман ишга туширилди.  

Таъкидланишича, апертураси 500 метр бўлган радиотелескопнинг қиймати 170 млн долларни ташкил қилган.

Унинг майдони 30 та футбол майдонига тенг бўлиб, периметри 1,6 кмни ташкил қилади. Объект Гуйчжоу провинциясининг жанубидаги табиий ботиқликда жойлашган.

Айни вақтда FAST дунёдаги энг йирик радиотелескоп ҳисобланади. У коинотнинг ривожланиши ва эволюцияси билан боғлиқ жумбоқларни ечиш учун қўлланади.

Телескопнинг бош муҳандиси Цзян Пэннинг таъкидлашича, FAST эвазига яқин йилларда бир қатор йирик илмий кашфиётлар амалга оширилади.

FAST 2016 йилда қуриб битказилган. Унинг қурилиши 5 йил давом этган. Сониясига 38 Гбайт ахборотни қабул қила оладиган телескоп 2 йил ичида 102 та янги пулсар юлдузни аниқлаган. Бу эса Европа ва АҚШдаги тадқиқот гуруҳлари томонидан шу давр ичида топилган умумий пулсарлар сонидан кўпроқни ташкил қилади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!