"Дунё Путинга миннатдорчилик билдириши керак", - собиқ жосус
АҚШ денгиз пиёдалари корпусининг истеъфодаги разведкачиси Скотт Риттер Finian Cunningham YouTube каналига берган интервьюсида жаҳон ҳамжамияти Россия президенти Владимир Путиндан Ғарб давлатларининг провокацияларига муносиб жавоб қайтаргани учун миннатдор бўлиши кераклигини айтди.
“Россияда Ғарбнинг бу жирканч провокацияларига муносиб жавоб берадиган Владимир Путин тимсолида етук раҳбар борлигидан дунё миннатдор бўлиши керак”, — дея Риттер сўзларидан иқтибос келтирган РИА Новости.
Собиқ разведкачининг қўшимча қилишича, Россия Вашингтон ва унинг иттифоқчиларининг провокацияларига мувозанатли муносабат стратегиясини танлаган.
Риттернинг сўзларига кўра, Қўшма Штатлар Россиянинг ўрнида бўлганида, аллақачон "Германия ва Польшанинг транспорт марказларини бомбардимон қилишни" бошлаган бўларди.
Шунингдек, у Ғарбнинг хатти-ҳаракатларини “масъулиятсизлик ва провокацион” деб атади, бу эса охир-оқибат унинг мағлубиятига олиб келади.
