Дональд Трамп: "Дўстим Ким Чен Инда ажойиб имконият бор"

Америка Президенти Дональд Трамп КХДР раҳбари Ким Чен Инни дўстим деб атади.

ЎзАнинг ёзишича, Вьетнам Ер юзидаги саноқли ҳудудлар каби гуллаб-яшнамоқда. КХДР ядровий қуролсизланишга рози бўлса, у ҳам тез орада шундай бўлади. Бунинг учун менинг дўстим Ким Чен Инда тарихда бўлмаган катта салоҳият, ажойиб имконият бор деб ёзган Трамп Твиттердаги саҳифасида.

Аввал хабар берилганидек, сешанба куни АҚШ Президенти КХДР етакчиси билан учрашиш мақсадида Вьетнам пойтахти Ханойга етиб келган эди. Бугун, куннинг иккинчи ярмида икки давлат раҳбарларининг саммити бошланиши кутилмоқда. ​​