Доллар ўрнини эгаллаши мумкин бўлган 6 валюта
Инвестиция портфелидаги долларни олтита жаҳон валютаси билан алмаштириш мумкинлиги маълум қилинди. Бу ҳақда молиявий таҳлилчи Анна Зайцевага таяниб, «Газета.ru» хабар берди.
Мутахассиснинг маълум қилишича, долларнинг ўрнини евро, Канада доллари, Британия фунти, Швейцария франки, Япония иени ва швед кронаси эгаллаши мумкин. Зайцева савдо бозорида ҳимоя воситаси сифатида Швейцария ва Япония миллий валюталаридан фойдаланиш мумкинлигини айтган. Аммо евро Федерал захира тизими ва Европа марказий банкидаги пул-кредит сиёсатидаги фарқ туфайли АҚШ долларига ўз ўрнини бериши мумкинлиги таъкидланган.
Шунингдек, Хитой иқтисодиёти ўсишда давом этаётгани ва бу инвесторларни юанга бўлган қизиқишини ошираётгани, бироқ Хитой корпоратив сегментда юқори қарз юки билан ажралиб туриши сабабли юань босим остида қолиши мумкинлиги маълум қилинган.
Мутахассис жаҳон бозорида АҚШ ўз маблағлари учун Хитойга инвестицияларни чеклаши мумкинлиги ҳақидаги миш-мишлар тарқалгани, бу эса Хитой фонд бозорининг қулашига олиб келганини қўшимча қилган.
«Агар бу қўрқувлар тасдиқланса, юаннинг долларга нисбатан яна заифлашишини кузатишимиз мумкин», — деб хулоса қилган Зайцева.
