Депутат: "Абдулманап Нурмагомедовнинг ўлими дарс бўлиши керак"

Россиялик Олимпия чемпиони, Давлат Думаси депутати Ирина Роднинанинг сўзларига кўра, Aбдулманап Нурмагомедовнинг ўлими шифокорлар ва эпидемиологларнинг тавсияларига эътибор бермайдиганлар учун дарс бўлиши керак.

"Спорт-Экспресс" нашрига берган интервьюсида Роднина Aбдулманап Нурмагомедов муносиб ҳаёт кечирганини, кўпчилик учун намуна бўлганлигини айтди.

“Менимча, унинг ўлими кўпчилик учун сабоқ бўлади. Aгар сизга ниқоб, қўлқоп кийинг, дезинфекциялаш воситаларидан фойдаланинг ва уйда қолинг, дейилган бўлса, маданиятли одам ушбу талабларга риоя қилиши керак", – деди Роднина.

Депутат одамларни вирусологлар ва мутахассисларнинг сўзларини тинглашга чақирди.

Маълумот учун, Абдулманап Нурмагомедов коронавирусга чалиниши оқибатида вафот этганди.