Декабрь ойида Ерликларни тўртта астрономик ҳодиса кутмоқда

Декабрь ойида Ерликларни тўртта астрономик ҳодиса кутмоқда

Декабрь ойида Қуёшнинг тўлиқ тутилиши кутиляпти, икки марта юлдузлар ёмғири ва Юпитер билан Сатурннинг осмон гумбазида бирга тизилиши рўй беради, дея хабар берди “РИА Новости”.

«Қизиқ томони шундаки, ушбу ҳодисаларнинг бари 14-21 декабрь оралиғига тўғри келади. Шу боис айни ҳафтани жуда мураккаб кечаётган 2020 йилнинг энг астрономик кунлари, деб аташ мумкин», – дейилади хабарда.

14 декабрь куни Қуёш тўлиқ тутилади. Воқеа 130 дақиқа давом этади. Шу куни метеорлар ёмғирига ҳам гувоҳ бўламиз: соатига 120 та метеор учади.

Энг қисқа ёруғ кун – 21 декабрда астрономик қиш кириб, тун қисқариши, кун узайиши бошланади.

Шу куни осмон гумбазида иккита гигант сайёра – Юпитер ва Сатурн бир чизикда тизилади. Бундай ҳодиса ҳар юз йилда бир содир бўлади. Осмонда уларнинг энг яқин кўрингани бундан 794 йил аввал – 1226 йил 4 мартда содир бўлган экан.

21 декабрдан 22 декабрга ўтар кечаси Урсида метеорлар оқими энг юқори даражага етиб, соатига 10 тагача метеор учади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!