Деҳқон хўжалиги юритиш учун ажратилган ер майдонини сотмоқчи бўлган фирибгар ушланди

Бош прокуратура ҳузуридаги Департамент ҳамда ИИБнинг Навбаҳор тумани бўлимлари томонидан ўтказилган тезкор тадбирда, фуқаро Д.А. 27 нафар фуқарога деҳқон хўжалиги юритиш учун ажратилган 5 гектар захирадаги ер майдонини бошқа бир фуқаро Х.Ж.га 50 млн сўмга сотишга келишиб, 28 млн сўм ва 2 000 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.