“Давлатлар тиббий ниқоб учун кураш олиб боряпти”

Германия соғлиқни сақлаш вазири Йенс Шпан бир неча давлат Хитойда ишлаб чиқарилган тиббий ниқоблар учун кураш олиб бораётганини айтди, дея хабар бермоқда “Евроньюс”. 

Бир неча кун аввал Франция Хитойдай буюртма қилган ниқобларга АҚШ икки баравар пул тўлаб “илиб” кетган. Франциянинг ўзи эса Италия ва Испанияга жўнатилган 4 миллионта ниқобни олиб қўйган. 

АҚШ нафақат Франциянинг, балки Германия ва Канаданинг буюртмаларини ҳам ўзини қилиб олган. Хусусан, Берлин Хитойдаги америкалик ишлаб чиқарувчига буюртма берган FFP2 ва FFP3 турдаги ниқоблар Германияга олиб келинаётган пайтда АҚШга қараб равона бўлган. 

“Бу яхши эмас, аммо мазкур ҳолат талаб юқори эканини кўрсатади”, – деди Шпан.