Дания Швеция билан чегарага назорат ўрнатди
Дания Швеция билан чегарада вақтинча назоратни жорий этди. У 12 ноябрдан кучга киради ва олти ой давомида амал қилади. Дания ҳукумати томонидан киритилган “хавфсизлик ҳаракати” таркибига бутун мамлакат бўйлаб видеокузатувни кенгайтириш, жазоларни кучайтириш ва Швециядан келганларни назорат қилиш киради.
– “Чегара назорати жамоат жойларида хавфсизликни таъминлашнинг муҳим элементидир”, – дейди Дания Адлия вазири.
Копенгаген полицияси ходими Анн Тоннес: “Полиция нуқтаи назаридан чегарани назорат қилишда энг муҳим нарса шундаки, биз Дания ва Швеция ўртасидаги транспорт қатновини яхшилай оламиз”, – дея фикр билдирди.
Назорат Швециядан Дания портларига ва темир йўл стансияларига келган йўловчиларни вақти-вақти билан текшириш шаклида амалга оширилади. Бу шунингдек, Копенгаген ва Швециянинг Малмё шаҳарларини боғлайдиган, Эресунн бўғози орқали ўтадиган туннел кўприги бўйлаб ҳаракатланадиган транспорт воситаларига нисбатан қўлланилади.
