Дани Алвеш 12 йилгача қамалиши мумкин. "Пумас" у билан шартномани бекор қилмоқда

«Барселона» ва Бразилия терма жамоасининг собиқ футболчиси Дани Алвес 4 йилдан 12 йилгача қамоқ жазосига ҳукм қилиниши мумкин. Бунга исми ошкор этилмаган аёл томонидан жинсий зўравонлик айбловлари сабаб бўлган.

Январь ойида Алвес ҳақида полицияга хабар берилган. Унда машҳур футболчи Барселонадаги тунги клубда бир қизни зўрлаб, калтаклагани айтилган.

Алвеснинг ўзи айбини тан олмайди. У ўзини полицияга топшириб, ўзига қўйилган айбловлар бўйича кўрсатма берганидан сўнг, футболчи гаровга қўйиш ҳуқуқисиз ҳибсга олинган.

Кўп ўтмай Мексиканинг «Пумас» клуби бразилияликнинг судланиши муносабати билан шартномани муддатидан олдин бекор қилишини эълон қилди.