Дам олиш кунлари юртимизда об-ҳаво қандай бўлади?

Ўзгидромет ўзбекистонликлар учун яқин кунларда кутилаётган об-ҳаво ҳақида маълумот берди.
⠀
Ўзгидрометнинг хабар беришича, жума куни марказий, жанубий ва шарқий ҳудудларда ҳаво ўзгариб туради, ёғингарчилик кутилмайди. Республикамизнинг тоғ олди ва тоғли ҳудудларида, баъзи жойларда қисқа муддатли ёмғир ёғиши мумкин.
⠀
Республиканинг шимолида ва чўл зонасида ҳаво бироз булутли бўлади. Ҳаво ҳарорати +37 ... + 40 даража бўлиши кутилмоқда.
⠀
Шанба ва якшанба кунлари хорижий жануб ҳудудлардан иссиқ ва қуруқ ҳаво бутун республика бўйлаб тарқалади. Кундузги ҳаво ҳарорати +39 ... + 42 даражагача қизийди, бу ёзнинг  ҳарорат баландлиги учун нормал кўрсаткичлардан 4-6 даражага юқори.