Даҳшат! Она қизи учун айбсиз етим қизалоқдан “қасос олди”
Бу ҳақда Украина оммавий ахборот воситалари хабар тарқатди. Маълум бўлишича, аёл 10 ёшли етим қизалоқни алдаб квартирасига олиб кирган, кейин унинг боши ва юзига болға ва стул билан қаттиқ урган.
Шундан сўнг у қизалоқни скотч билан боғлаб, бутун тун давомида ёлғиз қолдирган. Эрталаб эса қайтиб келиб, уни ечиб юбориб уйига боришига рухсат берган.
Бироқ, қизалоқ уйига бора олмаган, аҳволи ёмон бўлганлиги боис, шаҳар майдонида жойлашган боғда ўтирган.
Қонга беланган қизалоқни кўриб қолган йўловчилар тез тиббий ёрдамга мурожаат қилишган. Шифокорлар уни дарҳол касалхонанинг интенсив терапия бўлимига ўтказишган ва унга бош қисмдаги бир нечта суякларининг синиши ташхисини қўйишган.
Манбанинг сўзларига кўра, қизалоқ металл буюмлар билан калтаклангани боис бош суяги эзилган. Айтилишича, аёл қизалоқни ўз қизи билан жанжал қилганликда айблаб ундан қасос олган. Хабарларга кўра, аёл гумонланувчи илгари ўгай отасининг қотили сифатида судланган экан.
Ҳозирда 27 ёшли аёлга қарши жиноий иш очилган.
