Даҳшат! Аёл хонадонига бегона қизнинг киришига рухсат берди ва бурнидан айрилди...

Техас штатининг фуқароси аёлга ҳужум қилганликда айбланмоқда. Жабрланувчининг сўзларига кўра, жиноятчи унинг бурнини тишлаб, бир парчасини узиб олган, камига уни ютиб юборган. Бу ҳақда “ABC7” хабар бермоқда.

Бу айбловлар 41 ёшли Жессика Коллинзга қаратилган. Ўзини Татяна деб таништирган тан жароҳати олган аёл, Коллинз билан барда танишганлигини айтган. Жиноятчи у ерга қўшниси билан келган.

Бардан кейин учала аёл ҳам Татянанинг квартирасига борадилар. Коллинз эса ўз “ҳунари”ни кўрсатишни бошлайди ва кўпроқ спиртли ичимликлар, тамаки беришини талаб қилади. Татяна бўлса Жессиканинг уйдан чиқиб кетишини сўрайди. Бундан ғазабланган жиноятчи аёлни сочларидан тортиб, ерга ётқизади ва бурнининг бир қисмини тишлаб узиб олиб, еб қўяди.

Жабрланувчининг айтишича, у “Тез ёрдам” машинасига тушмагунча нима бўлганини тушунмаган. “Мен турмуш ўртоғимга қўнғироқ қилиб, бақира бошладим. Менинг бурним йўқ, мен 28 ёшдаман. Энди бурним йўқ!”, дейди Таня.

Татяна, шунингдек, тиббий суғуртаси йўқлиги ҳақида ҳам айтиб ўтди, шунинг учун у пластик жарроҳлик амалиётини ўтказа олмайди. Шифокорлар бу операцияни икки ҳафта ичида бажариш кераклиги ҳақида огоҳлантирдилар. Жабрланувчининг дўстлари аллақачон пул йиғишни бошлаб юборишган.