Чол ижтимоий тармоқ туфайли юзага келган жанжал оқибатида ўз кампирини ўлдирди
85 ёшли эркак ижтимоий тармоқ туфайли келиб чиққан можаро сабабли 76 ёшли хотинини ўлдирди. Маьлумотларга кўра, бу жуфтлик 50 йилдан буён бирга яшаб келаётган эди.
Германияда истиқомат қилувчи жуфтлик ўтган ҳафта Истанбул шаҳрига саёҳат учун боради. Уларга телефон орқали боғлана олмаган қариндошлари Еникўй туманидаги уйига борганда, чол ва кампирнинг қонга беланиб ётганини кўради.
Юрагига пичоқ урилган Эсма касалхонада вафот этади. Ўзини ўлдириш учун томирини кесган Билол эса шифокорларнинг саьй ҳаракати сабабли тирик қолади.
Билол ўз хотинини ўлдирганига иқрор бўлди. Унинг айтишича, Эсма турмуш ўртоғини ижтимоий тармоқларда кимдир билан танишганини ва унга хиёнат қилаётганини айтиб, бундан буён эрига ишонмаслигини таькидлайди. Шундан сўнг жанжал кўтарилиб, Билол ўз хотинини пичоқлайди.
Полиция воқеа юзасидан тергов ишларини олиб бормоқда.
Manba: qalampir. com
