Чимкентлик қозоқ: "Ўзбеклар олдида бош эгса арзийди" (видео)

Чимкентлик қозоқ: "Ўзбеклар олдида бош эгса арзийди" (видео)

Ижтимоий тармоқларда пайдо бўлган видеолавҳада қозоғистонлик киши чимкентлик ўзбекларнинг Арис шаҳрида ҳарбий омборхона портлаши туфайли эвакуация қилинганларга катта ёрдам кўрсатаётгани ҳақида суратга олинган видеолавҳа тарқалди.

Ушбу видео муаллифи сўзларидан айрим лавҳалар келтирамиз:  

  • Оғир вақтларда қозоқлар ҳам ўзбекларга ёрдам берган. Бугун эса ўзбеклар қозоқларга ёрдам бермоқда, ҳар ким қўлидан келганича. Буни кўриб кўзимдан ёш чиқиб кетди...
  • Мен миллатларни бўлиш тарафдори эмасман, лекин ўзбеклар олдида бош эгса арзийди: Бири ўз тўйхонасини бўшатиб берди, иккинчиси юк машинасини хизматга қўйди. Улар оммавий бўлиб жуда фаол ёрдам бераётганидан ҳайратдаман....
  • Яна бири  келиб унинг уйида 30 нафар қочқинлар туриши мумкинлигини, бошқаси 20  кишига жой беришини айтиб кетди. Қойил.
  • Улар олиб келган озиқ-овқатлар миқдори жуда катта ва улар яна олиб келишяпти! Ўзбеклар ҳақиқий саховат кўрсатишди.
  • Ҳозир яна бири келиб, унинг иккита уйи борлигини ва иккаласини ҳам қочқинларга бўшатиб беришга тайёрлигини айтиб кетди.

Эслатиб ўтамиз, 24 июнь куни Қозоғистоннинг Туркистон вилоятидаги Арис шаҳрида ҳарбий қисм омборхонасида ёнғин ва кучли портлашлар содир бўлган эди. Шундан сўнг 43 минг киши яшайдиган шаҳарча аҳолиси қўшни Чимкент ва Туркистонга бутунлай эвакуация қилинган эди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!