“Чернобиль” картинаси энг яхши мини-сериал сифатида BAFTA ғолибига айланди

Американинг HBO телеканали томонидан Буюк Британиянинг SKY телекомпанияси билан ҳамкорликда суратга олинган «Чернобиль» сериали Британия кино ва телевизион санъат академиясининг "Энг яхши мини-сериал" номинациясида ғолибликни қўлга киритди.

Бу ҳақда Лондонда бўлиб ўтган BAFTA онлайн маросимида маълум бўлди.

Сериал, шунингдек, энг яхши операторлик иши ва ёритиш техникаси, энг яхши декорация, овоз ва монтаж йўналишларида ҳам BAFTA мукофотларига сазовор бўлган.

Таъкидланишича, сериалда академик Валерий Легасов ролини ижро этган актёр Жаред Харрис эса "Энг яхши актёр" мукофотига лойиқ кўрилган.