Буюк Британияда коронавирусга қарши вакцина одамларда синовдан ўтказилади

Британиянинг The Guardian нашри коронавирус билан курашиш учун экспериментал вакцинани ихтиёрий равишда синаб кўриш бошланганини эълон қилди. Клиник синовлар кейинги кунларда Лондон Империал коллежи базасида 300 киши иштирокида бошланади.

18 ёшдан 70 ёшгача бўлган ҳар бир кўнгилли вакцинанинг икки дозасини олади ва ижобий иммунитет реакцияси бўлса, 6 минг киши экспериментда қатнашиши мумкин.

Вакцинанинг хавфсизлиги аллақачон ҳайвонларда синов босқичида, шунингдек, унинг янги вирусга қарши курашда самарадорлиги тасдиқланган.

Aввалроқ Россия Мудофаа вазирлиги Н.Ф.Гамалеи номидаги Миллий эпидемиология ва микробиология илмий маркази билан биргаликда яқин кунларда кўнгиллиларда коронавирус вакцинасини синовдан ўтказиши ҳақида хабар берилганди.