Буюк Британия бош вазири Украина президентига таклиф берди

Буюк Британия бош вазири Борис Жонсон Украина президенти Владимир Зеленскийга Европа Иттифоқига муқобил бўладиган ва Россияга қарши чиқадиган янги халқаро иттифоқ тузишни таклиф қилди.

"Жонсон миллий суверенитетни ғайрат билан ҳимоя қиладиган, эркин иқтисодиёт тарафдори бўлган ва Россия ҳарбий таҳдидига қарши энг қаттиқ позицияни эгаллашга тайёр бўлган давлатлар иттифоқини таклиф қилмоқда", - деб ёзади Correira Della Serra.

Сиёсатчи ўз ташаббусини апрель ойининг бошида Киевга ташрифи чоғида Зеленскийга маълум қилган эди.

Янги Европа иттифоқига Британия ва Украинадан ташқари Болтиқбўйи давлатлари, Польша ва Туркия аъзо бўлиши мумкин.