Бухородаги ноодатий савдо: бу саломатлик учун хавфли эмасми?

Юртимизда муқаддас қадамжо ва зиёратгоҳлар кўп. Кейинги йилларда ички туризм ривожида муҳим аҳамиятга эга ушбу табаррук масканлар янада обод этилиб, зиёратчилар учун кенг имкониятлар яратилмоқда.

Маълумки, аксарият зиёратгоҳларда булоқ бор ва халқимиз орасида ўша ернинг суви ўзгача хислатга эга экани билан қадрланади.

Бухородаги Етти пир зиёратгоҳида булоқ суви учун салқин ичимликлардан бўшаган елим идиш, яъни баклажка сотилар экан, деб ёзмоқда  ЎзА.

Савол туғилади: қайта ишлов берилмаган, носанитар ҳолатдаги идишлар совдосига рухсат бериш ўринлими? Шифо истаб олинган сув акс таъсир бериб, одамлар саломатлигига хавф солмайдими?