Бухорода сўнгги абитуриент ҳужжат топшириб, туғруқхонага қайтиб кетди
15 июль куни Ўзбекистон олий таълим муассасаларига абитуриентлардан ариза қабул қилиш жараёни якунига етди (муддат узайтирилиши мумкин, дейишганди — узайтиришмади). Хусусан, Бухоро давлат университетида энг сўнгги абитуриент 15 июль куни соат 23:58 да рўйхатдан ўтказилган.
Ўша сўнгги абитуриент ёш она бўлган. «Ҳужжат топшириш учун туғруқхонадан чиқиб келибди, чақалоғи-ю қайнонаси билан. Топшириб, яна туғруқхонага қайтиб кетибди. Қарсаклар билан кузатиб қўйишибди қабулдагилар», деб ёзади @xushnudbek.
Олий ва ўрта махсус таълим вазирлиги маълумотига кўра, 23:00—24:00 оралиғида Тошкент тиббиёт академияси Термиз филиалида, Тошкент фармацевтика институтида, Андижон давлат университетида (https://t.me/eduuz/1026) ҳам энг сўнгги абитуриентлардан аризалар қабул қилинган.
