Бухоро шаҳар “Тўқимачи” бозоридаги ўғрилар қўлга олинди

Бухоро шаҳар “Тўқимачи” бозоридаги ўғрилар қўлга олинди

Судланувчи Н.А.Н. қасддан жиноят содир қилиш йўлига ўтиб, таниши М.А.К.билан олдиндан жиноий тил бириктириб, бир гуруҳ бўлиб, ўзганинг мулкини яширин равишда талон-торож қилишни кўзлайди.

Шу мақсадда, 2019 йил 21 октябрь куни соат 23:00ларда фуқаро Ў.З.Ш. раҳбарлик қилиб келаётган Бухоро шаҳридаги “...” МЧЖга тегишли гўшт маҳсулотлари сақлаш учун мўлжалланган музлаткичларга ўрнатилган ҳар бирининг баҳоси 1.000.000 сўмдан 2 дона “БК” русумли кондиционерларни яширин равишда талон-торож қилиб, жабрланувчи З.Ўриновга 2.000.000 сўм моддий зарар етказиб, ўғрилик жиноятини содир қилганлар.

Бундан ташқари, судланувчи Н.А.Н. қасддан жиноят содир қилиш йўлига ўтиб, таниши М.А.К.билан ўзларининг жиноий ҳаракатларини такроран давом эттиришади. Улар ўзаро олдиндан жиноий тил бириктириб, бир гуруҳ бўлиб, ўзганинг мулкини яширин равишда талон-торож қилиш мақсадида, 2019 йил 4 декабрь куни соат 23:30ларда фуқаро Б.М.Д.га тегишли Бухоро шаҳар ... кўчаси 5Г-уйнинг олдидаги полиз экинларни сақлаш учун мўлжалланган музлаткич ёнидаги стол устида турган ҳар бирининг баҳоси 1.500.000 сўмдан 2 дона “БК” русумли кондиционерларни яширин равишда талон-торож қилиб, жабрланувчи М.Б.га 3.000.000 сўм миқдорда моддий зарар етказиб, такроран ўғрилик жиноятини содир қилганлар.

Судланувчи Н.А.Н. суд мажлисида, айбига тўлиқ иқрорлик билдиради. У дастлабки терговдаги кўрсатувларини тўлиқ тасдиқлашини, М.А.ни бир неча йилдан буён танишини, 2019 йил 21 октябрь куни ўртоғи А.М. билан айланиш учун Бухоро шаҳар ... бозорига боришганлигини, бозорни кўриб бўлгач, бозордан кейин жойлашган бир қассобхона томон боришганлигини, ушбу қассобхонанинг ташқи томонида музлатгичларнинг кондиционерлари турганлигини, сўнг улар иккаласи ўша музлатгичларнинг кондиционерларини ўғрилаб сотишга келишиб олишганлигини, ўртоғи А.М.билан қассобхона ёпилишини кутиб, қараб туришганлигини, бу орада улар бозордан бир дона темир омбур сотиб олишганлигини, омбур кондиционерларнинг токини узишда ишлатиш учун олишганлигини, шу куни соат 20:00ларда қассобхонадаги ишловчилар кетганлигини ва бирор киши қолмаганлигини, улар иккаласи ён атрофга қараб туришганлигини, соат 23:00ларга бориб, у ерда бирор киши қолмаганлигини, шундан сўнг улар иккаласи бирга қассобхона ёнига бориб, ташқирида турган бир нечта музлатгичларни кўриб чиқишганлигини, мазкур музлатгичларнинг ҳар бирида икки донадан кондиционерлар бўлганлигини, музлатгичлардан иккитаси ишламай турганлигини, улар ўша иккита музлатгичнинг кондиционери токини қўлидаги ўша омбур билан кесганлигини, ўртоғи А.М. узилган кондиционерни чекка жойга олиб қўйганлигини, кейин у қўлидаги омбур орқали иккинчи музлатгичнинг кондиционерини токини кесиб, ўртоғи А.М. билан иккаласи кондиционерини чеккароқ жойга олиб қўйишганлигини, улар олган кондиционерлар “БК” русумдаги кондиционерлар бўлганлигини, улар ўғрилик қилишаётганлигини бирор киши кўрмаганлигини, ўртоғи А.М. билан ўша 2 та кондиционерни кўтариб йўлга олиб чиқиб, йўловчи такси автомашинасида ўзининг ... туманидаги яшаш уйига элтишганлигини, уйга киришдан олдин ушбу ўғирлаб келган икки дона кондиционерларни яшириб қўйишганлигини, кейин уйига кириб ухлаганлигини, ўртоғи А.М. ҳам уйига кетганлигини, эртаси куни у кондиционер сотиб оладиган кишини сўраб-суриштирганлигини, шунда у ... туманида яшовчи П.Ш. эски кондиционерларни сотиб олишидан хабар топганлигини, эртаси куни у ўртоғи А.М. билан Ш.П.га қўнғироқ қилиб, икки дона эски кондиционерни сотмоқчи эканлигини маълум қилганлигини, улар учрашишга келишиб олишганлигини, шу куни у ўртоғи А.М. билан йўловчи такси автомашинасида ўзлари ўғирлаган 2 та кондиционерлани ... туманига олиб боришганлигини, улар Ш.П. билан учрашиб, ўзига тегишли кондиционерларни сотишни айтганлигини, Ш.П. кондиционерлар қаердан келганлигини, ўғриланган ёки йўқлигини сўраганлигини, шунда улар Ш.П.га кондиционерлар ўзларига тегишли эканлигини, пул зарур бўлганлиги учун сотаётганликларини маълум қилишганлигини, Ш.П. ишониб, кондиционерларни сотиб олишга рози бўлиб, ўша 2 дона “БК” русумли кондиционернинг ҳар бирига 230.000 сўмдан беришини билдирганлигини, улар бунга рози бўлиб, кондиционерларни беришганлигини, Ш.П. уларга ҳар бир дона кондиционер учун 230.000 сўмдан жами 460.000 сўм берганлигини, улар Ш.П.дан олган 460.000 сўм пулни тенг 230.000 сўмдан бўлиб олишганлигини, у мазкур пулларни ўз эҳтиёжига сарфлаганлигини, бундан ташқари, 2019 йил 4 декабрь куни у ўртоғи А.М. билан Бухоро шаҳрига келишганлигини, улар иккаласи Бухоро шаҳар эски ... бозори ёнида бир хонани кўришганлигини, мазкур хона қўлбола музлатгич қилиб тайёрланганлигини, хонанинг ташқи томонида икки дона кондиционер ўрнатилганлигини, шунда уларда кондиционерларни ўғрилаш фикри туғилганлигини, улар ён атрофни кузатиб, одам қолмаслигини кутиб туришганлигини, соат 23:00ларга бориб, атрофда бирор киши қолмаганлигини, ўртоғи А.М. музлатгич олдига бориб кўрганда, музлатгич ўчирилган ҳолатда бўлганлигини, кейин ўша ўзлари билан олиб келган омбур орқали музлатгичнинг ташқи томонидаги икки дона кондиционерларнинг токини кесиб, йўлга олиб чиқишганлигини, улар “БК” русумли кондиционерлар бўлганлигини, сўнг йўловчи такси автомашинасида ўша кондиционерларни ўзи яшайдиган уйга олиб борганлигини, ўғриланган 2 та кондиционерни яшириб қўйишганлигини, эртаси куни ўртоғи А.М. билан бирга кондиционерларни сотиш мақсадида ... туманига Ш.П.га олиб боришганлигини, Ш.П. ушбу кондиционерлар ҳақида суриштириб, ўғриланган ёки йўқлигини сўраганлигини, шунда улар Ш.П.га кондиционер ўзлариники эканлигини, пул зарур бўлганлиги учун сотаётганликларини айтишганлигини, Ш.П. бу 2 та кондиционерга ҳам 230.000 сўмдан жами 460.000 сўм берганлигини, у ўртоғи А.М. билан тенг қилиб, 230.000 сўмдан олишганлигини, у олган пулни ўз эҳтиёжларига сарфлаганлигини, кейин уни ИИБга чақиришганлигини, у ерда ундан 2019 йилнинг 21 октябрь ва 4 декабрь кунидаги ўғриликлар тўғрисида сўраб-суриштиришганлигини, у бўлиб айтган барча ҳолатни сўзлаб берганлигини, ўртоғи А.М. ҳам қилган ўғриликларини тан олганлигини, у илгари Ў.З. ва Б.М.ни кўрмаганлиги ва танимаслиги, кейинчалик улар ўғрилаган кондиционерлар З.Ў. ва М.Б.га тегишли эканлигини билганлигини, ўғрилик қилишда у музлатгичлардан кондиционер токини кесганлигини, ўртоғи А.М. кондиционерларни четга олиб қўйиб, атрофни кузатиб турганлигини, ўғриликдан кейин токни узишда ишлатган омбурни уйга олиб бориб қўйганлигини, ИИБ ходимлари ўша омбурни тегишли тартибда расмийлаштириб олиб қўйишганлигини, қилмишидан пушаймонда эканлигини, жабрланувчиларга етказилган зарар тўлиқ қопланганлигини, оилавий шароити оғирлигини, бир нафар вояга етмаган фарзанди борлигини инобатга олиб, қонуний енгиллик беришни сўради.

Суд, судланувчилар Н.А.Н. ва М.А.К.ларнинг айбига қисман иқрорлик билдириб, қилмишидан пушаймонлигини, оилавий шароитини, муқаддам судланмаганлигини, яшаш жойидан ижобий тавсифланганлигини инобатга олган ҳолда ҳар иккала судланувчига ҳам қилган қилмишларига ва шахсларига мос жазо тайинланди.

 

Н. Шаропов, Жиноят ишлари бўйича Бухоро шаҳар суди раиси  

                                                             

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!