Бухоро аэропортида халқаро авиақатновлар сони 5 баробарга оширилади

Бухоро аэропорти орқали халқаро авиақатновлар сони 5 баробарга оширилади. Келгуси беш йилда вилоятда катта-кичик 255 та меҳмонхона барпо этилади, 60 та янги туризм маршрутлари ташкил қилинади.

Туризм билан бир қаторда, бошқа хизматларни ҳам ривожлантиришга алоҳида эътибор қаратамиз. Жами бу соҳада 50 мингта янги иш ўрни яратилади.

Хусусан, халқаро автомобиль йўллари бўйида 2 та йирик савдо мажмуаси барпо этилади. Шунингдек, қиймати 200 миллион долларлик 500 та лойиҳа амалга оширилиб, 15 мингга яқин иш ўрни яратилади. Ғиждувонда ҳудудлараро улгуржи савдо маркази қурилади.